صمت الحوار

اغنية قديمة للحوار مع الآخر

.................................................. ..
..................................
...................
..........
....
..
.




إعتبرني شيّ
إي شي
ماعليّ
واسمعني شويّ
يامنادي للحوار كل آخر
ليه ماتنادي قريب
ليه تسمع للغريب
وليه صدرك على الآخر وسيع
وانا عليّ اضيق
وكل ماله يضيق
ليه إذنك ماتبي
من فمي
كلمة ولاونة الم
وإذا بكيت
ماتبي هذا البكى يطلع بصوت
ليه اذنك
ماتبي تسمع كلامي
وليه عينك
ماتبي مثلي تشوف
اعتبرني شئ
أي شئ
ماعليِّ
إعتبرني مثل ذا الآخر
واسمعني شويّ
شويّ
إعتبرني شي
اي شي
ماعلىّ
... ...
..
.
اعتبرني يهودي
اومسيحي
ماعليّ
واعتبر لي فكر
او مذهب جاب حجه
مقابل حجتك
وخالف بها وحده
من المليون في حجتك
ماعليّ


اعتبرني مثل ذالآخر
وطالعني شويّ
وفعيونك
اعتبرني
أي شئ
بس شئ

واعترف بي في وجودك
واعرف انك من تراب
والبشر من طين
في طين
ويرجع للتراب
وإعرف ان بيني وبينك
دين ودم
وقبلتي هي قبلتك
وكعبتك هي كعبتي
وان بينك وبيني ارض
تجمعنا جميع
وان ذالآخريبينا كالقطيع
وسواهـــــــــــا
هناك
هناك
وانه بعد يزرع
بيني وبينك كره
ويبيعني وياك
إذا حصل ربيع اسود
وماعليه
اعتبرني شئ
أي شئ
ماعليّ
واسمعني شويّ
طاعة الله واجبه
وطاعة بعض خلقه
تجي من طاعته
ياكبير اكبر
واحذر من صغير
تستصغره
والوقت يعطيه الكبر
ويكبر صغير
والعالِم الله وش يصير
ارحم صغير
واعرف ان الله كبير
واسمع له شويّ
واعتبرني شي
أي شئ
ماعليّ
واسمعني شوي

ليه فينا ناس .. ماتسمع لناس
ليه فينا ناس .. تظلم ناس بالامر
ليه فينا ناس .. تبيع الناس
وتشتري الآخر
وفينا نــــاس وناس ماهم ناس
زي الناس
نسميهم بدون
ليه فينا ناس .. قالوا بعضنا
ناس تفضحنا
هنا وهنـــــــــــــــاك
وليه فينا ناس .. تسرق ناس
في عـــــــــــــــــــــــــــــــــــــــــــــــــ ــــــــــز النهار

وليه فينا ناس .. تشتكي ظلم وقهر
وتعيش الغبن
وتلبس فقر
غصبٍ عليها
وليه فينا ناس.. تكره ناس
وليه
ليه فينا ناس .. تتفجر وتنفجر فينا
اه ياوجدان
وليه فينا ناس .. تكفرنا على رسم وصور
ليه
ليه فينا ناس .. تسجن ناس
والتهمه فكر
والا شعر
ليه
ليه
ليه فينا ناس ..
معاهم .. معاهم
عليهم .. عليهم
ناس
ماتدري وش الهرجه
بين قوسين
السالفه
تتابع
متابع وتابع
لتابع
يقولون بعض الناس
هاذي الناس
ماتنتج علوم
ولاتبني مصانع
تشتريها صح
وياكثر المصانع
تستورد قطعها والمهندس
هاذي الناس
كل شئ تستورده
الثوب والغترة
ولاهان العقال
والحوار مع الآ خر
والصلصة
والكتاب
والكلبشه
كل شئ تستورده
إلا ثلاث اشياء
تصنعها وتتقنها بجداره
النفاق
والتصفيق
والسكوت
وماعلينا ولاعليك وماعليّ
انساها شويّ

واعتبرني شئ
أي شئ
ماعليّ
اسمعنا شويّ
واتركه لــــــــــــــــلإخيركل آ خـــــــــــــر


انا اخوك
وابن عمك
وخالك
وداري حول دارك
وانا عضيدك لا اختلفت
إنت والآخر
وانايمينك دون وجهك
ودمي قبل دمك
..
..
وماعليّ